Sürücüdən şok hərəkət: Piyadaya yol vermədi, sonra ona hücum etdi - 99-SB-132 - VİDEO

Paytaxtın Sabunçu rayonu, Zabrat–Balaxanı yolunda qayda pozan sürücü avtomobilin kamerasına düşüb.

Avtosfer.az xəbər verir ki, hadisə noyabrın 11-də saat 17:48 radələrində qeydə alınıb. Görüntülərdən aydın olur ki, 99-SB-132 dövlət nömrə nişanlı “Land Rover” markalı avtomobilin sürücüsü nizamlanmayan piyada keçidindən keçən piyadaya yol vermədən hərəkətini davam etdirib. Nəticədə o, piyadanı vurmaqdan son anda yayınıb.

Qəza təhlükəsi ilə üz-üzə qalan orta yaşlı kişi sürücüyə etiraz edib. Qayda pozmaqla kifayətlənməyən sürücü avtomobili saxlayaraq piyadaya hücum çəkib. Hadisə şahidinin bildirdiyinə görə, tərəflər arasında qısa müddətli münaqişə yaranıb.

Nərmin