Sürücülər blokun girişində park edib sakinlərin yolunu kəsdilər - VİDEO

Binanın həyətində parklanma qaydasını pozan sürücülər barəsində bir neçə sakin redaksiyamızın qaynar xəttinə şikayət ünvanlayıb. Avtosfer.az xəbər verir ki, hadisə Xırdalan şəhəri, Mehdi Hüseynzadə küçəsində yerləşən binaların birinin həyətində qeydə alınıb.

Belə ki, 90-US-438 qeydiyyat nişanlı "KIA" markalı və 77-FS-504 qeydiyyat nişanlı "Toyota Prius" markalı avtomobilin sürücüləri blokun girişində parklanma ediblər. Bu səbəbdən sakinlərin giriş-çıxışı məhdudlaşıb.

Müraciət ünvanlayan oxucular bildirirlər ki, əvvəllər belə hallar kütləvi şəkildə baş verdiyi üçün blokun girişinə plastmas maneələr bərkidildi. Lakin bunun da xeyiri olmadı. İntizamsız sürücülər öz rahatlıqlarını düşünərək yenə də giriş-çıxışı bağlayırlar.

Sözügedən videonu təqdim edirik.

Fərid