Taksi sürücüsü nişanı və zolağı heçə sayıb maşını keçidin üzərində park etdi - FOTO

Paytaxtın Binəqədi rayonu, Abay Kunanbayev küçəsində dayanma-durma qaydasını pozan sürücü görüntülənib.

Bu barədə təlimçi Arzu Babazadə Avtosfer.az-ın “Whatsapp” ünvanına fotoşəkillər göndərib. Belə ki, taksi fəaliyyətiylə məşğul olan 90-YJ-682 dövlət nömrə nişanlı “FAW” markalı avtomobilin sürücüsü nəqliyyat vasitəsini piyada keçidinin üzərində saxlayıb. Təlimçinin sözlərinə görə, sürücü dəqiqələrlə keçidi zəbt edib. Nəticədə o, piyadaların hərəkətinə əngəl törədib. 

Qeyd edək ki, saytımız vasitəsilə bir müddət əvvəl sözügedən ərazidə piyada keçidinin olmamasıyla bağlı yazı dərc olunmuşdu. Bundan sonra küçədə piyada keçidi nişanı və zolağı təşkil edildi. 

Nərmin