Tıxacdan bezən sürücü səkiyə “dırmanıb” yoluna davam etdi - AÇIQLAMA - VİDEO - YENİLƏNİB

Paytaxtın Yasamal rayonu Abdulla Şaiq küçəsində qayda pozan sürücü görüntülənib.
Avtosfer.az-ın məlumatına görə, hadisə mayın 16-da səhər saatlarında qeydə alınıb. Hərəkətdə olan 50-BN-509 dövlət nömrə nişanlı “Hyundai” markalı avtomobilin sürücüsü səkiylə hərəkət edib. Belə ki, o, tıxacda qalmamaq üçün avtobus zolağına keçir və maşını piyadalar üçün nəzərdə tutulmuş səkiyə çətinliklə çıxarır. Qayda pozan sürücü daha sonra yolun sağ tərəfinə keçərək hərəkətinə davam edir.
Qeyd edək ki, sürücü, piyadaların hərəkəti üçün nəzərdə tutulan yolla hərəkət etdiyinə görə, İnzibati Xətalar Məcəlləsinin 327.1-ci maddəsinə əsasən, 40 manat cərimələnə bilər. 

Hadisəylə bağlı Bakı şəhər Dövlət Yol Polisi İdarəsinin polis baş leytnantı Rüstəm Əhmədli Avtosfer.az-a açıqlama verib: “Qayda pozan sürücü polis şöbəsinə dəvət olunub, ona hüquq və vəzifələri izah olunaraq barəsində qanunamüvafiq tədbirlər görülüb”.

Nərmin