Toy karvanında ölümünə sürən sürücü təhlükə saçdı - 90-GH-941 - VİDEO

Füzuli rayonunda yol hərəkəti qaydalarını kobud şəkildə pozan sürücü digər hərəkət iştirakçıları üçün təhlükəli vəziyyət yaradıb. Avtosfer.az xəbər verir ki, hadisə dekabrın 7-də rayonun mərkəzi yolunda baş verib.

Belə ki, 90-GH-941 dövlət nömrə nişanlı "Mercedes" markalı avtomobilin sürücüsü toy karvanından geri qaldığı üçün qarşıya keçmək məqsədilə qaydaları pozub. Sürücü öncə yol çiyninə çıxaraq sağdan ötmə edib, daha sonra isə bütöv xəttin tələblərini pozaraq əks hərəkət zolağına çıxıb.

DİN-in Mətbuat Xidmətinin Bərdə regional qrupundan Avtosfer.az-a bildirilib ki, videogörüntülərlə bağlı polis əməkdaşları tərəfindən araşdırma aparılır.

Sözügedən videonu təqdim edirik.

Fərid