Vətəndaşlar polisə XƏBƏR VERDİ; sərxoş tutulan sürücü dava saldı - VİDEO

Yol polisi əməkdaşlarına müqavimət göstərib söyüş söyən şəxs həbs edilib.

Avtosfer.az xəbər verir ki, Türkiyənin Nevşehir şəhərində baş verən hadisənin görüntüləri sosial şəbəkədə paylaşılıb.

Belə ki, vətəndaşlar “112” məlumat mərkəzinə bir sürücünün sərxoş vəziyyətdə avtomobil idarə etdiyini bildirib. Hərəkətə keçən polis qrupları həmin şəxsin idarə etdiyi 66-ADT-923 dövlət nömrə nişanlı avtomobili saxlayıb. Alkoqol testindən keçirilən şəxsin 2,51 promil sərxoş olduğu məlum olub. Sürücü onu saxlamaq istəyən polis əməkdaşlarına müqavimət göstərərək onları hədələməyə, təhqir etməyə və söyməyə başlayıb. Bir müddət səbir göstərən polis əməkdaşları sonda şəxsi polis bölməsinə aparıblar. Saxlanılan şəxsin sürücülük vəsiqəsi 6 ay müddətinə əlindən alınıb və 9 min lirə inzibati pul cəzası kəsilib.

Bundan əlavə, o, məhkəmənin qərarı ilə həbs edilib.

Sözügedən hadisənin görüntülərini təqdim edirik:

Namiq Musayev