Yol kənarından çıxan sürücü motosikletçiyə çətin anlar yaşatdı - VİDEO

Sumqayıt şəhəri, Üzeyir Hacıbəyov küçəsində qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl günorta saatlarında baş verib. Yolun kənarından hərəkətə başlayan 50-EU-861 dövlət nömrə nişanlı “Nissan” markalı avtomobilin sürücüsü yaxınlaşan motosikletə diqqət yetirmədən yola çıxıb və onun üçün qəza şəraiti yaradıb. Təhlükəni görən motosikletçi dəfələrlə siqnal verərək sürücünü xəbərdar edib, lakin qayda pozan sürücü buna məhəl qoymayıb. Xoşbəxtlikdən motosikletçi vaxtında sola manevr edərək qəzanın qarşısını alıb.

Xatırladaq ki, sürücü yol kənarından hərəkətə başlamazdan əvvəl mütləq yaxınlaşan nəqliyyat vasitələrinə diqqət yetirməli, qarşı tərəfin hərəkətinə mane olmamalı və hər zaman təhlükəsizliyi prioritet saymalıdır.

Nərmin