Yolayrıcına təhlükəli şəkildə girən sürücü qəza şəraiti yaratdı - VİDEO

Abşeron rayonu, Masazır qəsəbəsində yol hərəkəti qaydalarını kobud şəkildə pozan sürücü kameraya düşüb.

Avtosfer.az xəbər verir ki, hadisə iyulun 14-də saat 16:06 radələrində Qurtuluş 93 yaşayış massivində qeydə alınıb.

Görüntülərdən məlum olur ki, 77-QJ-330 dövlət qeydiyyat nişanlı “BYD” markalı avtomobilin sürücüsü yolayrıcının keçilməsi qaydasını pozaraq təhlükəli vəziyyət yaradıb. Belə ki, o, baş yolla hərəkət edən nəqliyyat vasitəsinə yol vermədən əks istiqamətli yola çıxıb və bu şəkildə yolayrıcına daxil olub.

Nəticədə sürücü qarşı tərəfdən gələn nəqliyyat vasitəsinə qəza şəraiti yaradıb.

Nərmin