Yolun kənarı boş olsa da, maşını səkidə park etdi - 90-TL-740 - FOTO

Bütün xəbərdarlıqlara və cərimələrə baxmayaraq hələ də sürücülərin avtomobillərini səkidə parklaması hallarına rast gəlinir.

Səkilər piyadalar üçün nəzərdə tutulsa da, bəzi sürücülər bu qaydanı kobud şəkildə pozur. Bu cür məsuliyyətsiz davranış nəticəsində vətəndaşlar yolda, maşınların arasında hərəkət etməyə məcbur qalırlar ki, bu da həm təhlükəsizlik, həm də rahatlıq baxımından problemlərə səbəb olur.

Avtosfer.az xəbər verir ki, analoji hal Sabunçu rayonu Bakıxanov qəsəbəsində də müşahidə olunur. Oskar Əfəndiyev küçəsində 90-TL-740 qeydiyyat nişanlı "Audi" markalı avtomobilin sürücüsü maşını birbaşa səkinin üstünə park edib. Bu səbəbdən piyadalar yolu keçmək üçün avtomobil yoluna çıxmağa məcbur qalıblar.

Qeyd edək ki, qaydaları bu cür pozan sürücülər İnzibati Xətalar Məcəlləsinin 346.9-cu maddəsinə əsasən, nəqliyyat vasitələrinin səkilərdə dayanma və durmasına görə 60 manat və əlavə olaraq 2 balla cərimə olunur.

Fidan