Sudan istifadə limiti... - Artıq işlədənlər CƏRİMƏ OLUNACAQ

Su ehtiyatlarını israf edən, sudan istifadə limitlərini pozan və çirkab suları küçələrə axıdan şəxslər yüzlərlə, bəzi hallarda isə minlərlə manat cərimələnə bilər.

Avtosfer.az xəbər verir ki, hüquqi şəxslər üçün cərimənin məbləği 3 min manatadək çatır.

Belə ki, sudan istifadə limitlərinə əməl edilməməsinə, su ehtiyatlarından israfçılıqla istifadə olunmasına, eləcə də içməli, məişət, texniki və tullantı sularının çöllərə, küçələrə, rabitə və enerji kommunikasiya şəbəkələrinə təyinatsız axıdılmasına görə cərimələr nəzərdə tutulub.

Belə hallarda fiziki şəxslər 100 manatdan 150 manatadək, vəzifəli şəxslər 800 manatdan 1 000 manatadək, hüquqi şəxslər isə 2 000 manatdan 3 000 manatadək məbləğdə cərimə edilirlər.