Bakıda azyaşlını keçiddə vurub öldürən sürücü xanım imiş - Qızı da stress keçirib - VİDEO

Xəbər verdiyimiz kimi, Bakıda azyaşlı uşaq piyada keçidində avtomobillə vurulub. Avtosfer.az xəbər verir ki, bu barədə Baş Dövlət Yol Polisi İdarəsinin şöbə rəisi, polis mayoru Rövşən Tağıyev video paylaşıb.

Əldə etdiyimiz məlumata görə, hadisə ötən ilin yayında Heydər Əliyev Mərkəzi və Bakı Konqres Mərkəzinin arasında yerləşən küçədə baş verib. Belə ki, valideyn nəzarətindən kənarda qalan uşaqlar piyada keçidində topla oynayıb. Yüksək sürətlə avtomobili idarə edən sürücü yolu keçən uşaqlardan birini vurub. 

Hadisədən sonra qəza törədən maşın başqa bir avtomobillə çırpılaraq dayanıb.

Videodan da göründüyü kimi, sükan arxasından düşən xanım sürücüdür. Onun yanında azyaşlı qızı da olub. Qız maşından düşərək anasının qəza törətdiyini, balaca uşağı vurduğunu gördükdə dərin stress keçirir və özünü yerə vuraraq ağlamağa başlayır.
Belə hadisələrin baş verməməsi üçün sükan arxasında son dərəcə diqqətli olmaq lazımdır. İki valideynin səhvi uşaqlardan birinin ölümünə, digərinin isə ömrü boyu unutmayacağı sarsıntı keçirməsinə səbəb oldu.

Elmin