Bakıdan Cəlilabada 5 manat, ordan kəndə 30 manat

Cəlilabadın Mikayıllı, Xanəgah Türkelli kəndlərini birləşdirən yol bərbad vəziyyətdədir.

Avtosfer.az xəbər verir ki, sakinlər bildirirlər ki, bu yoldan təxminən 5000 nəfər istifadə edir:

"İldən-ilə isə burda əhalinin sayı azalır. Buralara ambulans da gəlmir. Yollar pis gündədir deyə maşın da sürə bilmirik. Bakıdan Cəlilabada 5 manata gəliriksə, burdan kəndə 30 manata gəlirik".

Məsələ ilə bağlı AAYDA-dan bildirildi ki, Xanəgah Türkelli avtomobil yolunun ümumi uzunluğu 16 km-dir. Onun 10 km asfalt, qalan 6 km isə çınqıl örtüklüdür. Yolun təmir olunması nəzərdə tutulub. Bununla bağlı təkliflər hazırlanaraq təqdim olunub. Növbəti illərdə həmin yol təmir olunacaq (milli.az).