Beynəlxalq səviyyəli “at oğruları”

Ağdaş rayonunun Kotavan kəndi ərazisindəki örüş sahəsindən səkkiz kənd sakininə məxsus ümumilikdə doqquz at oğurlanıb. Polis oğurluğu törətməkdə şübhəli bilinən şəxsləri saxlayıb və məlum olub ki, atları oğurlayıb Qazaxıstana satmaq istəyiblər.

Bu xəbəri oxuyanda ilk olaraq adamın ağlına “At oğrusu” ifadəsi gəlir. Bu sözü çoxları işlədir, amma əslində niyə bəzi adamlara “at oğrusu” deyirlər? Bu ifadə nədən bu qədər məşhur olub?

Bir neçə il əvvəl jurnalist həmkarların biri ilə bu məsələ barəsində danışırdıq. Dedi ki, mən bu sözün mənasını bilirəm. At oğurlamaq üçün ən çətin heyvandır. Çünki sahibindən başqasını yaxınına buraxmır. Ona görə də atı oğurlamaq üçün gərək çox peşakar oğru olasan.

Ona görə də bəzi “zirək” adamlara “at oğrusu” ləqəbi verirlər.

Son zamanlar bütün sahələrdə “at oğruları” çoxalıb. Ona görə də həqiqi at oğruları artıq beynəlxaq səviyyədə işləyirlər. Necə ki, Ağdaşdan atı oğurlayıb Qazaxstana satmaq kimi...

Orxan Əli