Bu yolda sürücülərin hüquqları pozulub - VİDEO

Tanınmış rejissor Ərtoğrul Kamalov şəxsi hesabında paylaşım edərək Bayıl ərazisindən, daha dəqiq isə sürüşmə olan ərazidən keçən yolun bağlanmasına görə öz iradını və etirazını bildirib.

O bildirib ki, Bayıldan Badamdara qalxan yol heç bir xəbərdaredici yol nişanı qoyulmadan bağlanılıb və sürücülərin hüquqları pozulub.

Avtosfer.az xəbər verir ki, məsələ ilə bağlı Bizimyol.info-ya danışan “Azərbaycan Avtomobil Yolları” Dövlət Agentliyinin İctimaiyyətlə Əlaqələr şöbəsinin rəisi, tanınmış aparıcı Anar Nəcəfli bildirib ki, sözügedən yol sürüşmə ərazisi olduğuna görə xeyli müddət bundan öncə xəbərdarlıq edilərək bağlanılıb: “Yəqin ki, həmin sürücü mətbuatı izləməyib. Həmin yolda AAYDA heç bir iş aparmır, o yolun da bizə heç bir aidiyyatı olmasa da məlumat xarakterli qeyd edim ki, həmin ərazi sürüşmə zonası olduğuna görə bağlanılıb xeyli müddət bundan öncə”.