Ekspert: "Moto və moped sürücüləri tərəfindən çoxlu qayda pozuntuları baş verir"

Moto və moped sürücüləri ilə bağlı müəyyən qanunlar qüvvəyə minsə də, hələ də bəziləri bu qaydalara riayət etmir, hətta polislərin tələblərinə belə məhəl qoymurlar. 

Nəqliyyat üzrə ekspert Elməddin Muradlı “Operativ Media”ya bildirib ki, moto və moped sürücüləri ilə bağlı vəziyyətimiz heç də yaxşı deyil, çünki onların qaydalara əməl etməsində ciddi problemlər var.

BNA vaxtında işini düzgün qurmadığı üçün "Bakubus"ın avtobusları Hövsanda çürümək üzrədir" - Avtosfer.az

“Bu cür nəqliyyat vasitələrinin sürücüləri tərəfindən problem getdikcə daha da böyüyür. Onlarla bağlı son dövrlər atılan addımlar tamamilə əsaslıdır və bu, gec-tez öz müsbət nəticəsini verəcək. Çünki “Yol hərəkəti haqqında qanun”a görə saatda 50 km –dən yuxarı olan nəqliyyat vasitələrini idarə edənlərin sürücülük vəsiqəsi almaları, nəqliyyat vasitəsini qeydiyyatdan keçirməsi mütləqdir. Bütün bunlar müəyyən dərəcələrdə narazılıq yaratsa da, yeni tələblərə hər kəs əməl etməlidir. Tələblər kimlərəsə sərf etməyə bilər, lakin bu sərfiyyətlə ölçülmür, çünki onların iştirakı ilə qayda pozuntuları, qəzalar baş verir və artıq polisdən çox vətəndaşlar onlarla bağlı müraciət edirlər". 

Ekspert qeyd edib ki, moto və moped sürücüləri ilə bağlı müvafiq qərarlar alınacaq və tədbirlər görüləcəkdir.