Əlillər üçün nəzərdə tutulmuş park yerləri niyə zəbt edilir? - FOTO

Əlillər üçün nəzərdə tutulmuş yerdə park etdiyi üçün ABŞ sürücünün cəriməsi 250 dollardan başlayır. Avropa ölkələrində də bu rəqəm az deyil. Adətən daha rahat yerdə olduğu üçün sürücülər bir çox hallarda əlillərin yerini zəbt edirlər.

Böyük ticarət mərkəzlərinin park yerində, o cümlədən ödənişli dayanacaqlarda əlillər üçün park yeri nəzərdə tutulub. Məsələn, daha çox liftlə, çıxışa yaxın ərazilərdə bu yerlər yaradılır ki, onsuz da çətinlik çəkən şəxs bir az da əziyyətə düşməsin. Amma bir çox hallarda öz rahatlıqlarını daha çox düşünənlər əlillərin yerinə göz dikir. Elə 10 BO 070 dövlət nömrə nişanlı son model “Mercedes”in sahibi kimi. Görəsən bu qədər boş yer olduğu halda niyə əlilin yerini zəbt edib? Bəlkə avtomobili idarə edən əlildir? Kaş ki bütün əlil şəxslər bu cür bahalı avtomobil idarə edəcək qədər imkanlı olsun.

Orxan Əli