Maşın, yoxsa dəmir yığını? - Yollarımızda gəzən təhlükə - VİDEO

Sosial şəbəkələrdə paytaxt küçələrində şütüyən,  amma heç bir texniki tələblərə cavab verməyən avtomobillərin videoları yayılır. Bu maşınlar, əgər onlara maşın demək mümkünsə konkret təhlükə mənbəyidir. Daha çox metal daşımaqla məşğul olan bu dəmir yığınları tez-tez yolun ortasında qalaraq tıxaclar yaradır,  yaxud qəzalara səbəb olurlar. Amma nədənsə üzərində heç bir dövlət nömrə nişanı olmayan, texniki göstəriciləri sıfırın altında olan bu avtomobillər küçələrdən yığışmır.  İnsan həyatını heçə sayan bu sürücüləri dindirsən "bir parça çörək" bəhanəsi ortaya çıxacaq. Amma bu "bir parça çörək" neçə ailələri çörəksiz, başsız qoya bilər.