Prezidentin imzaladığı Dövlət Proqramı niyə tam icra olunmur? - Yollara nəzarət zəifdir

Yazarlar 31 Mart 2022 17:34 Oxunub 6712
Prezidentin imzaladığı Dövlət Proqramı niyə tam icra olunmur? - Yollara nəzarət zəifdir
WhatsApp kanalımıza abunə ola bilərsiniz

Cənab Prezident İlham Əliyev 2018-ci ilin dekabrında Yol hərəkəti təhlükəsizliyinə dair 2019-2023-cü illəri əhatə edəcək Dövlət Proqramı imzaladı. Proqram yol hərəkəti təhlükəsizliyi baxımından çox ciddi bir sənəddir. Amma bəzi qurumlar Proqramın icrasına səthi yanaşır. Məsələn, Dövlət Proqramının 7.2.1.5-ci bəndində qeyd olunur;

- İstismarda olan avtomobil yollarının yol hərəkətinin təhlükəsizliyi tələblərinə uyğunluğunun mütəmadi yoxlanılmasının təmin edilməsi və aşkarlanmış uyğunsuzluqların aradan qaldırılması.

Bu məsələlərin həlli isə Nazirlər Kabineti, Azərbaycan Avtomobil Yolları Dövlət Agentliyi, Daxili İşlər Nazirliyi və Bakı Nəqliyyat Agentliyinə həvalə olunur. Bu işlər 2019-2023-cü illər ərzində davamlı olaraq həyata keçirilməlidir. Ancaq vəziyyət göz qabağındadır. Yollardakı uyğunsuzluqlara görə hər gün nə qədər qəzalar baş verir və insanlar ölür, şikəst olur, maddi və mənəvi ziyan çəkir.

Bu Proqramın icrasına birbaşa cavabdeh olan qurumları daha fəal olmağa çağırıram. Bu Proqramın hər bir maddəsi, hər bir bəndi insan həyatına dəyər verir. İcra olunarsa nə qədər qəzanın qarşısı alınar, ölümlər, xəsarətlər azalar.

Proqramın məhz bu bəndinin icrası Bakıda və digər ərazilərdə tezliklə həyata keçirilməlidir. Lakin biz təcrübədə görürük ki, bəzi qurumlar hadisə baş verəndən, insanlar öləndən sonra iş görür. Hansı ki, cənab Prezident bu sənədlə bütün qurumlara baş verəcək hadisələrin qarşısını əvvəlcədən almağı tapşırıb.

 

Elməddin Muradlı

ŞƏRH YAZ
Ad

E-mail

Şərh