Qeyri-sabit hava şəraiti qəza riskini artırır - VİDEO

Nasaz maşınlar sürücünü yolda qoymaqla yanaşı, ağır qəzalara da səbəb ola bilər. Mütəxəssislərin sözlərinə görə, ən çox diqqət edilməsi vacib olan nüans şinlərin keyfiyyətidir. Çünki naxışlarının ölçüsü az olan şinlərlə yola çıxmaq qəzanı qaçılmaz edir.

Bundan başqa, kiçik detal kimi görünsə də, mütləq qaydada şüşəsilənlərin yaxşı vəziyyətdə olmasını yoxlamaq lazımdır. Ona görə ki, şaxtaların olduğu bölgəyə gedərkən şüşəsilənin mayesinin içinə donmaya qarşı maddə əlavə etmək lazımdır. Mühərrikin donmaya qarşı mayesinin keyfiyyətini də xüsusi cihazla yoxlamaq mümkündür.

Ümumiyyətlə, sürücülərə uzun yola çıxmamışdan əvvəl avtomobillərini ümumi texniki baxışdan keçirmələri tövsiyə edilir.