Qurumların hələ də göz yumduğu problemlər - Sürücülərin kabusuna çevrilən küçə - VİDEO

Baku TV-nin "Necə olmalıdır" rubrikasının yeni buraxılışı yayımlanıb.

Avtosfer.az xəbər verir ki, bu dəfə Yeni Yasamal ərazisi, 286 nömrəli məktəbin qarşısı, Dadaş Bünyadzadə küçəsində illərdir davam edən yol problemindən bəhs olunub.

Bildirilib ki, sözügedən küçədə asfalt örtüyünün pis vəziyyətdə olması sürücülər üçün ciddi narahatlıq yaradır. Ərazidə orta məktəbin, ictimai iaşə obyektlərinin və yaşayış binalarının olmasını nəzərə alaraq aidiyyəti qurum illərdir yaşanan acınacaqlı vəziyyətə adekvat reaksiya versə, doğru olar.

Vurğulanıb ki, adıçəkilən yolun Əsəd Əhmədov küçəsi ilə Məhəmməd Xiyabani küçəsinədək olan kəsişməsinə qədər əsaslı təmirə ehtiyacı var.