Sürücülərin hər gün dalaşdığı yol kəsişməsi - Problem nədədir? - VİDEO

"Necə olmalıdır?" rubrikasının yeni buraxılışı yayımlanıb. Bu dəfə paytaxtın "Neftçilər" metrostansiyası yaxınlığında, Rüstəm Rüstəmov küçəsində yerləşən kəsişmədə yol hərəkətinin təşkilində mövcud olan problem işıqlandırılıb. Avtosfer.az bildirir ki, həmin ərazidə hər gün sürücülər arasında anlaşılmazlıq və mübahisə yaranır. Səbəb isə yol hərəkətinin düzgün təşkil edilməməsidir.

İzləyicilərin müraciətlərində qeyd olunur ki, Qaraçuxur və Bakıxanov qəsəbələrindən gələn nəqliyyat vasitələri ilə Rüstəm Rüstəmov küçəsindən geri dönənlərin kəsişdiyi nöqtədə işıqfora ehtiyac var. Çünki mövcud vəziyyətdə geri dönənlərin köməkçi yola daxil olması əlavə qəza riski yaradır.

Bundan başqa, 8-ci kilometr tərəfdən gələnlər üçün düzünə və sağa məcburedici yol nişanının mövcudluğu düz hərəkət edən nəqliyyat vasitələri ilə soldan gələnlərin toqquşma ehtimalını artırır.

Ətraflı Baku TV-nin videomaterialında: