Təhükəli Bakı küçələri: sürücülər bunu diqqətlə oxusun - VİDEO

Sürücü daim diqqətli olmalıdır. Çünki yolda nə zaman, hansı situasiya ilə qarşılaşacağı bəlli deyil. Qəfildən qarşıdakı avtomobilin əyləci basa biləcəyi ehtimalı ilə ara məsafəsini saxlamaq hər zaman zəruridir. Amma sürücülər deyə bilərlər ki, bir maşınlıq yer olan kimi kimsə özünü ora soxuşdurur. Bəli bu da var. Amma hər zaman təhlükəsizlik üçün deyilən edilməlidir.

Ən böyük problem isə gecə vaxtı avtomobil idarə etməkdir. Azərbaycanda insanların daha çox tünd rəngli paltarlara üstünlük verdiyini nəzərə alsaq yolun kənarından qəfildən çıxa biləcək piyadanı, yaxud qaranlıq olmasına baxmayaraq “Jek” müdiri tərəfindən yolun hərəkət hissəsini təmizləməyə məcbur edilən yaşlı qadını, həmçinin avtomobilinin qapısını açıq qoyaraq müştəri gözləyən taksi sürücüsünü, sadəcə yolun ortası ilə getməyə adət etmiş kimsəni görmək zəruridir.

Bakıda çəkilmiş bu görüntü Qara Qarayev prospektidir. Daha doğrusu “Xalqlar dostluğu meteostansiyasının yaxınlığı. Öz sıxlığı ilə seçilər bu yer həm də təhlükə törədən insanlarla doludur. Odur ki, sürücülər xüsusilə bu ərazidə ikiqat diqqətli olsunlar. Avtosfer.az həmin görüntüləri təqdim edir:

Orxan Əli