Avtodayanacaqdan “Toyota”nı evakuatorla qaçırdılar; polis dərhal yaxaladı - VİDEO

Rusiyanın Sankt-Peterburq şəhərində avtodayanacaqdan evakuatorla avtomobil qaçıran şəxslər saxlanılıb. Avtosfer.az xəbər verir ki, insident Murmansk şosesində yerləşən iri ticarət mərkəzlərinin birinin avtodayanacağında yaşanıb.

Məlumata görə, səhər saatlarında dayanacağa gələn 23 yaşlı sürücü orada park etdiyi “Toyota Chaser” markalı avtomobilini tapa bilməyib. Bundan sonra avtomobil sahibi polisə məlumat verib. Dərhal hərəkətə keçən polis əməkdaşları avtodayanacaqdakı və şəhər təhlükəsizlik kameralarını araşdıraraq evakuatorun sahibinin 30 yaşlı şəxs olduğunu müəyyən ediblər.

Təxminən saat yarımdan sonra üstündə “Toyota”nın olduğu evakuator, hüquq-mühafizə orqanları əməkdaşları tərəfindən “İrinovsk” prospektində saxlanılıb. Nəqliyyat vasitələri sürücü və sərnişin kreslosunda əyləşən 24 yaşlı sərnişinlə birgə bölməyə gətirilib.  

Hazırda faktla bağlı “oğurluq” maddəsi ilə cinayət işi açılıb, araşdırmalar davam etdirilir.

Namiq Musayev