“Belarus”la toqquşan “Mitsubishi” dayanacağa çırpılıb – FOTO + VİDEO

Rusiyanın Tomsk şəhərində avtomobilin və traktorun iştirakı ilə yol-nəqliyyat hadisəsi baş verib. Avtosfer.az xəbər verir ki, hadisə mayın 17-də səhər saatlarında Dzerjinski küçəsi ilə Kirov prospektinin kəsişməsində qeydə alınıb. Bu barədə “Tomsk.ru” saytı məlumat yayıb.

Məlumata görə, 20 yaşlı sürücü idarə etdiyi “Mitsubishi Lancer” markalı minik avtomobillə, hərəkətdə olarkən “Belarus” markalı traktorla toqquşub. Zərbənin şiddətindən “Mitsubishi” sərnişin dayanacağına çırpılıb.

Qəza zamanı ölən və ya xəsarət alanların olub-olmadığı barədə məlumat verilmir.

Namiq Musayev