Döngəyə sürətlə girən motosiklet betona çırpıldı; sürücü körpüdən düşdü - VİDEO

Kanadada hərəkətdə olan motosikletçinin körpüdən düşməsi təhlükəsizlik kamerası tərəfindən görüntülənib. Avtosfer.az xəbər verir ki, hadisə Monreal şəhəri yaxınlığında qeydə alınıb.   

Yük maşınının video qeydiyyatına düşən kadrlarda, motosikletçinin yüksək sürətlə hərəkət etdiyi və bu zaman döngədə sükan idarəetməsini itirdiyi görülür. Ardınca ikitəkərli nəqliyyat vasitəsi beton arakəsmələrə çırpılır, sürücü isə körpüdən aşağı düşür.

Müxtəlif dərəcəli bədən xəsarətləri alan motosikletçiyə ilk tibbi yardımı hadisə şahidi ilə polis əməkdaşları göstərib. Yaralı təcili tibbi yardım briqadasının köməkliyi ilə xəstəxanaya çatdırılıb. Onun həyatı üçün təhlükənin olmadığı bildirilib.

Polisin araşdırması zamanı müəyyən edilib ki, motosikletçinin nə sürücülük vəsiqəsi, nə də ki, motosikleti qeydiyyatda olub.

Namiq Musayev