“Kia” yolun hərəkət hissəsində dayanmış “Opel”ə çırpıldı; 2 ölü, 6 yaralı - ANBAAN VİDEO

Rusiyanın Moskva ətrafında iki nəqliyyat vasitəsinin iştirakı ilə baş verən ağır yol qəzasının görüntüləri təhlükəsizlik kamerası tərəfindən qeydə alınıb. Avtosfer.az xəbər verir ki, hadisə Yaroslav şosesində qeydə alınıb.

Kadrlarda, qırmız rəngli “Opel” markalı avtomobilin sürücüsü qəza işıqlarını yandıraraq yolun hərəkət hissəsində dayandığı və bu arada sürətlə hərəkətdə olan “Kia” markalı minik maşınının ona çırpıldığı görülür. 

Yerli medianın yaydığı məlumata görə, qəza nəticəsində 2 nəfər ölüb, 6 nəfər isə xəsarət alıb. Yaralılardan 3-ü uşaqdır.

Hadisənin digər təfərrüatları barədə məlumat verilmir.

Namiq Musayev