Kirayələdiyi lüks avtomobili dənizə atdı; sonra isə... - VİDEO

Ötən gün Türkiyənin İzmir vilayətində lüks avtomobili dənizə atıb sonra da heç nə olmamış kimi yoluna davam edən şəxsin psixoloji problemlərinin olduğu məlum olub. 

Avtosfer.az İHA-ya istinadən xəbər verir ki, hadisə mayın 6-da Urla rayonunda yerləşən karantin adasında baş verib.

İddiaya görə, Çeşmə rayonundan lüks avtomobil kirayələyən 27 yaşlı B.G., nəqliyyat vasitəsi ilə adanın girişinə gələrək onu yolun kənarına park edib. Bundan sonra gözləyən B.G., əl əyləcini endirərək işlək vəziyyətdə olan avtomobili hərəkət etdirərək dənizə atıb.

Ardınca da heç nə olmamış kimi yoluna davam edib.

O anlar isə ətrafda olan bir şəxs tərəfindən mobil telefon vasitəsi ilə görüntülənib.

Hüquq-mühafizə orqanlarının apardıqları araşdırma, qısa müddətdə öz nəticəsini verib.

Araşdırma zamanı müəyyən olunub ki, Balıqesirde yaşayan B.G.-nin psixoloji problemləri var.

Polislər onu ailəsinə təhvil veriblər. Maşın sahibi isə ondan şikayətçi olmayıb.

Namiq Musayev