Lokomotiv avtomobili vurub bir neçə yüz metr sürüdü - VİDEO

Lokomotivin minik avtomobilini vurma görüntüləri təhlükəsizlik kamerasına düşüb. Avtosfer.az xəbər verir ki, insident Dağıstanda qeydə alınıb.

Kadrlarda, dəmir yol keçidində nəqliyyat vasitələri üçün işıqforun qırmızı işığının yandığı, bu zaman bir sürücünün qadağanedici siqnala məhəl qoymayaraq idarə etdiyi avtomobillə dəmir yolu keçidindən keçməyə çalışdığı və eyni anda sürətlə gələn lokomotivin ona çırpıldığı görülür.

Zərbənin təsirindən lokomotiv minik avtomobilini bir neçə yüz metr sürüyüb və maşın deformasiyaya uğrayıb.

Nəticədə 2 nəfər aldığı xəsarətlərdən hadisə yerində dünyalarını dəyişib.

Namiq Musayev