“Mercedes”in TIR-la toqquşub əzik-əzik olduğu qəzadan görüntülər - VİDEO

Rusiyanın Ryazan əyalətində sürücünün törətdiyi ağır yol qəzasının görüntüləri təhlükəsizlik kamerasına düşüb. Avtosfer.az xəbər verir ki, hadisə P-22 trasının Aleksandro Nevsk rayonu ərazisindən keçən hissəsində qeydə alınıb.

Kadrlardan, “Mercedes” markalı avtomobilin sürücüsünün ötmə əməliyyatını yerinə yetirdiyi və bu anda əks zolaqdan kələn bitum daşıyan TIR-la toqquşduğu görülür. Zərbənin təsirindən “Mercedes” eyni istiqamətdə hərəkətdə olan başqa bir avtomobilə çırpılır.

Qəza nəticəsində deformasiyaya uğramış minik avtomobilinin sürücüsü hadisə yerində dünyasını dəyişib. Yük maşınının sürücüsü və digər minik avtomobilinin 2 sərnişini isə müxtəlif dərəcəli bədən xəsarətləri alıblar.

Faktla bağlı müvafiq dövlət qurumları tərəfindən araşdırmaların aparıldığı bildirilib.

Namiq Musayev