“Obqon”a keçən “Hyundai” TIR-la toqquşdu; 2 nəfər öldü - VİDEO

Rusiyanın Sverdlovsk əyalətində iki yük avtomobilinin iştirakı ilə baş verən ağır yol qəzasının görüntüləri təhlükəsizlik kamerasına düşüb. Avtosfer.az xəbər verir ki, hadisə “Perm – Yekaterinbuq” avtomagistralında qeydə alınıb.

Kadrlarda, “Hyundai Porter” markalı yük avtomobilinin sürücüsü əks istiqamətə çıxaraq ötmə əməliyyatı yerinə yetirdiyi və bu zaman qəfildən sükan idarə etməsini itirərək əvvəlcə dəmir arakəsmələrə, sonra isə qarşıdan gələn TIR-la toqquşduğu görülür.

Rusiya Daxili İşlər Nazirliyinin Mətbuat Xidmətinin regional qrupundan bildirilib ki, qəza nəticəsində “Hyundai”ın 1986-cı ilə təvəllüdlü sürücüsü və onun 1988-ci il təvəllüdlü qadın sərnişini dünyasını dəyişib.

Namiq Musayev