Oreqona polisi sərxoş sürücünü oğlunun yanında gülləldi; sonra isə görüntüləri yayımladı - VİDEO

ABŞ-da Oreqona polisi “kalaşnikov”la  silahlanmış sərxoş sürücü ilə atışma görüntülərini yayımlayıb. Avtosfer.az xəbər verir ki, insident Klamat-Folse şəhərində qeydə alınıb.

Məlumata görə, şahidlər, sərxoş sürücünün azyaşlı oğlanı öz avtomobilinə oturtduğunu görüb polisə xəbər veriblər.   

Patrul maşınının gəldiyini görən şəxs qaza basaraq qaçmağa çalışıb. Ancaq polislər avtomobili yola sərilmiş dəmir dişli lent sayəsində saxlaya biliblər. Qaça bilməyəcəyini anlayan sürücü yanında gəzdirdiyi “АК-47” markalı avtomatdan patrul nəfərlərinə bir neçə əl atəş açıb. 

Hüquq-mühafizə orqanları əməkdaşları cavab atəşi ilə, onu 6 yaşlı oğlunun yanında güllələyərək öldürüblər.

Bildirilir ki, atışma zamanı polislərdən biri xəsarətlər alıb, o, xəstəxanaya yerləşdirilib.

Namiq Musayev