Qəribə hadisə; vertolyot yanacaqdoldurma məntəqəsinə endi - VİDEO

Polşada benzini qurtaran vertolyot yanacaqdoldurma məntəqəsinə eniş edib. Avtosfer.az xəbər verir ki, qeyri-standart hadisə Qarvoline şəhərində baş verib.

Məlumata görə, yanacaqdoldurma məntəqəsinə enən iki yerlik vertolyotu, pilot və sərnişin itələyərək pompanın yanına gətiriblər. Benzini doldurduqdan sonra pulunu ödəyən şəxslər uçaraq oranı tərk ediblər. 

Həmin anı görüntüləyən ətrafdakılardan biri videonu sosial hesabından yayımlayıb. Görüntüləri izləyən polis hərəkətə keçərək vertolyotun pilotunun 36 yaşlı Varşava şəhər sakini olduğunu müəyyən edərək saxlayıb.

Hazırda şəhər prokurorluğunda araşdırma aparır.

Namiq Musayev