Qəzaya düşən maşın parça-parça oldu; 3 nəfər öldü - VİDEO

Türkiyənin Manisa vilayətində minik avtomobilinin iştirakı ilə ağır yol qəzası baş verib. Avtosfer.az İHA-ya istinadən xəbər verir ki, hadisə Ahmetli rayonu ərazisində qeydə alınıb.

Məlumata görə, 39 yaşlı Əhməd Doğan Sarıkayanın idarə etdiyi 41 NH 802 dövlət qeydiyyat nömrə nişanlı minik maşını, qəfildən idarəetmədən çıxaraq aşıb. Bir neçə dəfə çevrilən avtomobil əvvəlcə yağış suları üçün nəzrədə tutlmuş su kanalına düşüb, daha sonra isə üzüm bağına girib.

Zərbənin şiddətindən nəqliyyat vasitəsi deformasiyaya uğrayıb.

Qəza nəticəsində sürücü, Nuri Palabıyık (39) və Oya Palabıyık (36) dünyasını dəyişib.

Hadisə yerinə polis və təcili tibbi yardım briqadasının əməkdaşları cəlb olunub.

Faktla əlaqədar araşdırma aparılır.

Namiq Musayev