Reklam üçün “Ferrari”də qoz satdı - FOTO

Türkiyənin Ankara vilayətində dükanına müştəri cəlb etmək istəyən sahibkar, bahalı avtomobilinin baqajında qoz satıb. Avtosfer.az DHA-ya istinadən xəbər verir ki, maraqlı hadisə Pursaklar rayonunda qeydə alınıb.

Məlumata görə, avtomobil salonu olan Abdullah Duman, 10 gün əvvəl yeni qoz-fındıq dükanı açıb. Duman, salondakı 1,5 milyon (337,650 manat) lirəlik yeni “Ferrari” markalı avtomobili mağazanın qarşısana park edərək, baqajındakı kisələrlə və torbalarla qozu satmağa başlayıb. Kilosu 30 lirəyə satılan qozlardan daha çox, lüks avtomobil diqqəti çəkib.

Bəzi vətəndaşlar, “Ferrari”nin yanında xatirə şəkilləri də çəkdiriblər.

Dükanın satıcısı İbrahim Qələndər isə, bunu alıcı toplamaq üçün etdiklərini bildirib.

Namiq Musayev