Satışa çıxardığı 275 minlik “Dodge Viper”lə qəza törətdi – FOTO + VİDEO

Rusiyanın Soçi şəhərində sürücü bahalı avtomobillə qəza törədib. Avtosfer.az yerli KİV-ə istinadən məlumat verir ki, insident Daqomsko küçəsində qeydə alınıb.

Məlumata görə, adı açıqlanmayan sürücü idarə etdiyi “Dodge Viper” markalı avtomobillə hərəkətdə olan zaman sükan idarəetməsini itirib. İdarəetmədən çıxan maşın yol kənarındakı ağacla toqquşub. Zərbənin təsirindən avtomobil hissələrə ayrılıb.   

İlkin məlumatlara əsasən, qəza zamanı xəsarət alan olmayıb.

Bildirilir ki, avtomobil bir müddət əvvəl 12,500,000 rubla (275,000 azn) satışa çıxarılıb.

Namiq Musayev