Sürücü avtobusa maskasız minən sərnişini bıçaqladı - VİDEO

Avtosfer TV 22 Sentyabr 2020 20:09 Oxunub 50896
Sürücü avtobusa maskasız minən sərnişini bıçaqladı  - VİDEO
WhatsApp kanalımıza abunə ola bilərsiniz

Türkiyənin Bursa vilayətində avtobus sürücüsü sərnişini bıçaqlayıb. Avtosfer.az DHA-ya istinadən xəbər verir ki, hadisə Osmangazi rayonunda qeydə alınıb.  

İddiaya görə, anası ilə birlikdə dayanacaqda avtobus gözləyən Savaş B., 17-D saylı marşruta maskasız minmək istəyib. Avtobus sürücüsü İzzət Ç. isə, Savaş B.-ni maska taxması üçün ona xəbərdarlıq edib. Ancaq sürücünün xəbərdarlığına əsəbiləşən Savaş B., maska taxmaqdan imtina edib. Bundan sonra tərəflər arasında əvvəlcə mübahisə, daha sonra isə əlbəyaxa dava yaşanıb. Bu əsanda İzzət Ç. üzərində gəzdirdiyi bıçaqla, Savaş B.-ni qoluna və kürəyinə zərbələr endirib. Yaralanan Savaş B. avtobusdan enərək dayanacağa yıxılıb. 

Digər sərnişinlərin xəbər verməsi ilə hadisə yerinə polis və təcili tibbi yardım briqadasının əməkdaşları gəlib.

Xəsarət alan Savaş B., təcili tibbi yardım maşını ilə xəstəxanaya çatdırılıb. Sürücü İzzət Ç. isə, polis əməkdaşları tərəfindən həbs edilərək bölməyə aparılıb.

Faktla bağlı araşdırmalara başlanılıb.

 

Namiq Musayev

 

ŞƏRH YAZ
Ad

E-mail

Şərh