Sürücü əlindəki tapançanı həmkarına tuşladı - VİDEO

Rusiyanın Sankt-Peterburq şəhərində iki sürücünün münaqişəsini, ətrafda olan bir vətəndaş mobil telefonu vasitəsilə qeydə alıb. Avtosfer.az xəbər verir ki, insident Botkinsk küçəsində baş verib. Bu barədə "RenTV" telekanlı məlumat yayıb.

Kadrlarda, mübahisə nəticəsində sürücülərdən birinin əlindəki tapançanı digərinin üzərinə tuşladığı görünür. İkili arasında bir müddət davam edən dialoqdan sonra onlar sakitləşərək öz avtomobillərinə miniblər.

Şahidin sözlərinə görə, münaqişəyə səbəb sürücülərdən birinin tramvay yolu ilə hərəkət etməsi olub.

Digər təfərrüatlar barədə məlumat verilmir.

Namiq Musayev