TIR yolda xarab olan “UAZ” çırpıldı; sürücü ölümdən canını son anda qurtardı - VİDEO

Maşını xarab olmuş sürücünün ölümdən xilas olduğu anın görüntüləri təhlükəsizlik kamerasına düşüb. Avtosfer.az xəbər verir ki, hadisə Rusiyanın Sankt-Peterburq şəhərində qeydə alınıb. 

Kadrlarda, hərəkətdə olan TIR-ın, yolun hərəkət hissəsində xarab olaraq dayanmış “UAZ” markalı maşına çırpıldığı görülür.

Videoda həmçinin, avtomobilini təmir etməyə çalışan sürücünün qəzanın baş verəcəyini anlayaraq kənara qaçaraq ölümdən son anda sovuşduğu da əks olunub.

Yerli KİV-in məlumatına görə, hadisə nəticəsində ölən və xəsarət alan olmasa da, “UAZ”a ciddi ziyan dəyib.

Namiq Musayev