Yolayrıcında “Prius”la “VAZ” toqquşdu; günah kimdədir? - VİDEO

Bakıda yolayrıcında qəza baş verib. Avtosfer.az xəbər verir ki, qəza hadisəsi səhər saatlarında paytaxtın Nizami rayonu B.Çobanzadə küçəsində baş verib. Svetaforun yaşıl işığında hərəkət edən “Toyota Prius” markalı 77-DM-870 dövlət nömrə nişanlı nəqliyyat vasitəsi sola dönən “VAZ” markalı avtomobili ortadan vurub. Hadisənin görüntüləri sosial şəbəkələrdə yayılıb. Ehtimal olunur ki, “Priora”nın sürücüsü yolayrıcını keçmə qaydasını pozaraq “Prius”un qarşısına çıxıb və nəticədə qəza baş verib.

Hadisə şahidinin nəqliyyat vasitəsində olan qeydiyyat kamerasında görüntülənən videonu təqdim edirik:

Nərminə Əli