“Toyota” və “Nissan” toqquşdu; 3 ölü, 2 ağır yaralı - VİDEO

Rusiyanın İrkutsk əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə noyabrın 25-də səhər saatlarında Bratska rayonu ətrafında qeydə alınıb. Regional polis idarəsinin mətbuat xidmətindən verilən məlumata görə, hələlik müəyyən olunmayan səbəblərdən “Toyota Corolla” və “Nissan X-Trail” markalı minik avtomobilləri toqquşub. Zərbənin şiddətindən hər iki minik maşını deformasiyaya uğrayaraq yol kənarına düşüb. Qəza nəticəsində 3 sərnişin dünyasını dəyişib, avtomobillərin sürücüləri isə ağır vəziyyətdə xəstəxanaya yerləşdiriliblər. Faktla əlaqədar araşdırma aparılır.

Namiq Musayev