Xəstə aparan “təcili tibbi yardım” maşını yolda yanıb - FOTO + VİDEO

Rusiyanın Tomsk əyalətində “təcili tibbi yardım” maşını yanıb. Avtosfer.az xəbər verir ki, insident aprelin 21-də Svetlıy qəsəbəsində qeydə alınıb.

Məlumata görə, xəstəxanaya xəstə aparan “UAZ” markalı “təcili tibbi yardım” maşını hərəkətdə olarkən naməlum səbəblərdən yanmağa başlayıb. Salonda olan insanlar dərhal maşından düşərək ətrafa dağılışıblar və qəsəbə üzrə yanğınsöndürmə bölməsinə zəng vurublar. Hadisə yerinə gələn yanğınsöndürənlər alovlanan “UAZ”ı söndürüblər, ancaq buna baxmayaraq maşın yararsız vəziyyətə düşüb. Yanğın zamanı ölən və ya xəsarət alan olmayıb.

Təxliyə edilən xəstə başqa “təcili tibbi yardım” maşını ilə xəstəxanaya çatdırılıb.

Yanğının baş vermə səbəbləri araşdırılır.

Namiq Musayev