Yolda aparılan təmir dəhşətli qəzaya səbəb olacaqdı - VİDEO

Azərsu Açıq Səhmdar Cəmiyyətinin Sumqayıt şəhərində apardığı təmir işi sürücünün qəzaya düşməsinə səbəb olacaqdı. Avtosfer.az">Avtosfer.az-a müraciət ünvanlayan sürücü bildirir ki, yanvarın 25-i Sumqayıt şəhəri Səməd Vurğun küçəsində (Novxanı şossesində) hərəkət edərkən qarşısına qəfildən avtomobil çıxıb. Bu zaman məlum olub ki, Azərsu ASC-nin əməkdaşları yolun digər hərəkət hissəsində təmir işləri gördüyü üçün nəqliyyat vasitələrini qarşı hərəkət zolağına yönəldiblər. Sürücü bu barədə həm orada işləyən əməkdaşlara, həm də Azərsu ASC-nin 955 qaynar xəttinə şikayətini bildirib.

Bəs bu cür halda qəza baş verərsə günah kimdə olacaq?

Avtomobil yollarında hər hansı bir təmir işi gedərsə mütləq həmin ərazidə həm təmirlə bağlı, həm də hərəkət sxeminin dəyişdirilməsi ilə bağlı yol nişanları quraşdırılmalıdır. Bu nişanlar quraşdırılmadan təmirin aparılması qanunvericiliyə ziddir. Əgər təmir gedən ərazidə lazımi yol nişanları quraşdırılmazsa və bu səbəbdən yol nəqliyyat hadisəsi baş verərsə məsuliyyəti həmin qurum daşımalıdır.
 

Fərid