Bu küçədəki işıqfor görünməz haldadır - Hər an qəza baş verə bilər - FOTO

Daxili İşlər Nazirliyinin Nəqliyyatı İntellektual İdarəetmə Mərkəzindən Avtosfer.az-a bildirilib ki, əməkdaşlar paytaxt yollarında monitorinq aparıblar. Monitorinqlər zamanı görüntüsü məhdudlaşdırılmış 34 yolayırıcında olan svetoforların siyahısı tərtib olunaraq ağacların budanması üçün aidiyyəti dövlət qurumuna göndərilib.

***

Paytaxtın Nərimanov rayonu, Kazım Kazımzadə küçəsində işıqfor görünməz vəziyyətdədir.

Bu barədə izləyicilərdən biri Avtosfer.az-ın “Facebook” səhifəsinə fotoşəkil göndərib. Belə ki, sözügedən ərazidəki irigövdəli ağacın yarpaqları işıqforu görünməz hala salıb. Nəticədə yolayrıcına çatan sürücülər işıqfor obyektini görməkdə çətinlik çəkirlər. Svetofordan xəbərdar olan sürücülər yolayrıcına daxil olarkən ehtiyatlı davransalar da, küçəyə bələd olmayan hərəkət iştirakçıları üçün eyni halı qeyd etmək mümkün deyil. Onlar yarpaqların arasında gizlənmiş işıqforu ya son anda görürlər, ya da yolayrıcına girərək qəza şəraitinə səbəb olurlar. 

Nərmin