Bakıda avtobus 8 yaşlı qızın ayağının üzərindən keçdi - VİDEO

214 nömrəli marşrut avtobusu səkkiz yaşlı qızın ayağının üzərindən keçib.

Avtosfer.az xəbər verir ki, uşağın anası Nərgiz Mirzəyeva hadisəni törədən sürücünün məsuliyyətə cəlb olunmasını tələb edir.

Onun sözlərinə görə, hadisə avqustun 6-da metronun Koroğlu stansiyasının yaxınlığında baş verib.

Qızı xəsarətlərlə xəstəxanaya yerləşdirilib.

“Qızım hal-hazırda Neftçilər xəstəxanasındadır. Üç dəfə əməliyyata girəcək. Həkim övladımın əməliyyatdan sonra dəqiq yeriyə biləcəyinə söz vermir” – deyə, o qeyd edib.