Hərbi polis formasında qızıl oğurlayan 9 nəfər məhkəməyə göndərildi

Türkiyənin Şanlıurfa vilayətində hərbi polis forması geyinərək saxta yoxlama məntəqəsi quran və qızıl daşıyan avtomobili saxlayaraq təxminən 13 kiloqram qızıl və 2 milyon lirəni ələ keçirən 9 şübhəli saxlanılıb.

Avtosfer.az türk mediasına istinadla xəbər verir ki, polis əməkdaşlarının apardığı əməliyyat-axtarış tədbirləri nəticəsində şübhəlilərin kimliyi qısa müddətdə müəyyən edilib. Mardin və Kızıltepedə keçirilən eyni vaxtlı əməliyyat zamanı saxlanılan 9 nəfər istintaqdan sonra məhkəməyə göndərilib.

Hadisə zamanı yaralanan şəxslərin vəziyyətinin qənaətbəxş olduğu bildirilir. Oğurlanan qızıl və pulun tapılması, həmçinin hadisənin digər iştirakçılarının müəyyənləşdirilməsi istiqamətində araşdırmalar davam edir.