İstanbulda şübhəli ölüm: Azərbaycanlı qadın evdə cansız vəziyyətdə tapıldı

İstanbulun Kağıthane rayonunda polis çağırış əsasında daxil olduğu evdə 57 yaşlı Azərbaycan vətəndaşı Latifə İbadovanın meyitini aşkarlayıb.

Avtosfer.az Milliyet-ə istinadla xəbər verir ki, hadisə Çağlayan məhəlləsində baş verib.

İlkin araşdırma zamanı qadının bədənində zorakılıq və kəsici-deşici alət izləri aşkarlanmayıb. Evdə narkotik vasitə olduğu ehtimal edilən maddə də tapılıb.

Polis qadınla eyni evdə yaşayan Ferhat adlı şəxsin hadisədən təxminən 15 dəqiqə əvvəl evdən ayrıldığını müəyyən edib. Hazırda onun tapılması istiqamətində araşdırma aparılır.