İzmirdə faciə: Leykoz oğlunu öldürüb, intihar etdi

Türkiyənin İzmir şəhərinin Urla rayonunda 58 yaşlı qadın leykoz xəstəsi olan 19 yaşlı oğlunu öldürdükdən sonra intihar edib.

Avtosfer.az HaberGlobal-a istinadla xəbər verir ki, hadisə İskele məhəlləsində gecə saatlarında baş verib.

İddialara görə, N.K. adlı qadın birlikdə yaşadığı oğlu B.K.-nı odlu silahla öldürdükdən sonra eyni silahla özünə atəş açıb.

Faciə səhər saatlarında B.K.-nın xüsusi təhsil məktəbinə getməməsindən sonra üzə çıxıb. Məktəb servisinin əməkdaşı oğlanı küçədə görmədikdən sonra evə gedib. Qapının açıq olduğunu görən əməkdaş qonşularla birlikdə içəri daxil olub və ana ilə oğlunun hərəkətsiz vəziyyətdə olduğunu görüb.

Hadisə yerinə polis və təcili tibbi yardım əməkdaşları cəlb olunub. Ana və oğlunun həyatını itirdiyi müəyyənləşdirilib.

Ərini daha əvvəl itirdiyi bildirilən qadının hadisəni hansı səbəbdən törətdiyi araşdırılır.