“Şərurlu İsfəndiyar”dan ŞOK AÇIQLAMA: “Mən rəsmi şəkildə rektoram” - VİDEO

“Şərurlu İsfəndiyar” kimi tanınan iş adamı İsfəndiyar Axundov növbəti dəfə diqqətçəkən açıqlaması ilə gündəmə gəlib.

Avtosfer.az xəbər verir ki, iş adamı “Zarafat bir yana” verilişində hazırda məktəb tikintisi ilə məşğul olduğunu və həmin məktəblərdən birinin rəsmi şəkildə rektoru olduğunu bildirib:

“Hazırda çox gözəl məktəblər tikirəm. Tək bir məktəbim 10 min kvadratdır. Allahın izni ilə tikinti işləri bitəndə sizi də dəvət edəcəyəm, gəlib baxarsınız. Bəlkə də Azərbaycanda elə bir məktəb yoxdur. Məktəblərdən biri “Neftçilər” metrosunun yaxınlığındadır. Məktəb-bağçadır. 

Biri “Kubinka”da, biri Hövsandadır. Amma ən yaxşı məktəb dediyim məktəbdir. Yüksək səviyyədədir. Mən həm də həmin məktəbin rəsmi şəkildə rektoruyam. Bu barədə sənədi sizə göstərə bilərəm”.

“Təhsil almadan rektor?” sualına isə İsfəndiyar Axundov belə cavab verib:

“Rektorun təhsilə nə dəxli var ki? Bu, vəzifədir”./nocomment.az