Avtomobillərin ara məsafəsi nə qədər olmalıdır? - VİDEO

Avtosfer.az-ın məlumatına görə, aparılan müşahidələr göstərir ki, qəzaların başvermə səbəblərindən biri də, yollarda avtomobillər arasında ara məsafəsinin düzgün seçilməməsidir. Məsafə düzgün götürülmədiyi halda hətta ölümlə nəticələnən zəncirvari qəzalar da baş verə bilər.

Bu məsələdə əksəriyyəti maraqlandıran məqam isə tələb olunan ara məsafəsinin necə tənzimlənməsidir.

Qeyd edək ki, qanunvericilikdə konkret olaraq ara məsafəsi üçün rəqəm göstərilməyib. Lakin sürücülər özləri müəyyən etməlidir ki, qəfil tormozlama zamanı qarşıdakı nəqliyyat vasitəsi ilə qəza yaranmasın. Bu məsafə yollardakı sürət həddi ilə birbaşa əlaqəlidir. Təbii ki, yüksək sürət zamanı tormozlama zonası uzun olur. Buna görə də, sürətli yollarda ara məsafəsi daha çox götürülməlidir.

Nurlan Sakitoğlu
Nərmin Əkbər