Bu işıqları "Niva" və "07"-yə quraşdıran sürücülərin diqqətinə - CƏRİMƏSİ VAR

Son zamanlar “VAZ” markalı avtomobillərin sürücüləri işıq cihazlarına müəyyən dəyişikliklər edirlər. Etdikləri dəyişiklik isə sonradan hüquqi problemlər yaradır. Bir neçə sürücü Avtosfer.az-ın qaynar xəttinə müraciət edərək həmin işıq cihazlarına görə cərimələndiklərini bildirirlər.

Bu işıq cihazlarından istifadə etməklə bağlı qanun nə deyir?

“Yol hərəkəti haqqında” qanunun 1 saylı əlavəsinin III hissəsində qeyd olunub ki, yalnız istehsaldan çıxarılmış nəqliyyat vasitələrində başqa marka və modeldən olan nəqliyyat vasitələrinin xarici işıq cihazlarının qurulmasına yol verilir. Bu o deməkdir ki, nəqliyyat vasitəsinin işıq cihazları istehsal edilmirsə, o zaman başqa marka və modeldən olan nəqliyyat vasitələrinin xarici işıq cihazlarının qurulmasına yol verilir. Lakin həm “VAZ-2107” markalı avtomobilin, həm də “Niva”-nın xarici işıq cihazları hələ də istehsal edilir. Ona görə də avtomobil sahibləri yalnız istehsalçı zavodun müəyyən etdiyi işıq cihazlarından istifadə etməlidir.

Qeyd edək ki, sonradan hazırlanmış işıq cihazlarının forması və ölçüsü “VAZ” markasının istehsal etdiyi işıq cihazlarına bənzəsə də, bundan istifadə etmək qanunun tələblərinin pozulması ilə nəticələnəckdir.

Fərid